Një burrë i cili u braktis në lindje nga prindërit e tij sepse nuk u pëlqente fytyra e tij, ka mësuar se si ta dojë veten dhe tani përdor përvojat e tij në jetë për të ndihmuar të tjerët.
Jono Lancaster ka lindur me Sindromën Treacher Collins, një gjendje e rrallë që prek fytyrat e njerëzve.
Në rastin e Jonos, ai ka një nofull të pazhvilluar, pa mollëza dhe ‘veshë të vegjël si Bart Simpson’.
Të mësuarit për të qenë i pashqetësuar me pamjen e tij unike ka qenë një rrugëtim i gjatë, i cili filloi që në momentin kur ai lindi.
Në një intervistë të re me LADbible, Jono shpjegoi se prindërit e tij e braktisën për shkak të pamjes së tij, diçka që ai e zbuloi në moshën 24-vjeçare.
Djaloshit nga West Yorkshire, tani 38 vjeç, iu dorëzua një dokument spitalor ku shkruhej: “Të dy prindërit u tmerruan nga pamja e fëmijës. Prindërit nuk ndjenin asnjë lidhje amtare. Ata u larguan nga spitali 36 orë më vonë, duke lënë fëmijën pas”.
