Një ngjarje e tmerrshme ka ndodhur mëngjesin e sotëm, ku një austriak është kafshuar nga një gjarpër piton. Gjarpri ndodhej në tubat e kanalizimeve, dhe e kafshoi atë në momentin që u ul në tualet.
65-vjeçari i tronditur tha se gjarpri piton që e kafshoi ishte 1.6 metra i madh. Gjarpri i cili ishte me origjinë nga Azia, gjatësia mund të arrijë deri në 9 metra dhe dyshohet se u arratis nga apartamenti i fqinjit të tij duke kaluar përmes tubave të kanalizimeve.
Burri përfundoi në spital pasi mori disa dëmtime. Fqinji 24-vjeçar, i cili zotëron 11 gjarpërinj jo helmues do të përballet me akuzën e dëmtimeve trupore nga pakujdesia.
