Është ndarë nga jeta ish-trajneri i atletikës Gëzim Mema.
Ai vdiq në moshën 73-vjeçare pasi vuante nga një sëmundje e rëndë.
Për 23 vite, Mema drejtoi skuadrës e atletikës së Vllaznisë. Mema arriti të popullarizonte sportin e atletikës në Shkodër duke ndihmuar në promovimin e shumë atletëve shkodranë.
Falë punës së tij të palodshme, ai ndihmoi në fitoren e shumë trofeve në atletikë.
Me rastin e 100-vjetorit të themelimit të klubit sportiv Vllaznia, Gëzim Mema u vlerësua nga Bashkia e Shkodrës si “Trajneri i Shekullit në vitin 2019”.
Mema ka drejtuar për 13 vite Zyrën e Sportit në Bashkinë e Shkodrës.
