Rrënjët e mendësisë që burrat meritojnë të paguhen më shumë, e si pasojë gratë nuk fitojnë mjaftueshëm ende nuk janë shkulur tërësisht, por përparimi i shoqërisë shqiptare vihet re.
Edhe pse gratë janë më të kualifikuara se burrat, sipas të dhënave të INSTAT-it, në një raport diplomimi 64% me 34% , sërish burrat paguhen më shumë për të njëjtin pozicion pune.
“Hendeku vihet re sidomos në pozicionet drejtuese, pavarësisht se eksperiencat janë thuajse e njëjta, burrat paguhen më shumë se gratë. Për shkak edhe të një disavantazhi, kur vendos për të sjell në jetë një fëmijë, femrat shkëputen nga puna, dhe ky konsiderohet një minus për zhvillimin e tyre në karrierë”, tha Eranda Ymerali- eksperte punësimi.
