Një ngjarje tepër e rëndë mësohet se ka ndodhur mbrëmjen e sotme rreth orës 18.00 në minierën e Bulqizës. Një djalë i ri rreth 27-vjeç, me iniciale E.A. humbi jetën tragjikisht duke punuar në këtë minierë si pasojë e një masivi dheu. Mësohet se i ndjeri ishte baba i një fëmije të mitur. Nuk dihet ende se përse institucionet shtetërore që merren me sigurinë në punë nuk kanë kryer kontrolle pranë punëdhënësit për të parë nëse janë zbatuar apo jo kushtet teknike të sigurimit në punë.
