Shoku i Martin Canit, që u vra sot nga bashkëmoshatari i tij Mario Prelleshaj është marrë me ambulancë, me plagë në bark, disa minuta pas sherrit.
Ndërkohë ai është në spitalin e Traumës, jashtë rrezikut për jetën. Pas sherrit autori është larguar me vrap në zonën e Pazarit të Ri.
Mësohet se ai ka marrë një plagë të madhe në dorë dhe është ndaluar nga forcat e policisë. Aktualisht autori është në ambientet e Drejtorisë së Policisë.
Ngjarja e rëndë ku humbi jetën 14-vjeçari Martin Cani dhe u plagos një tjetër adoleshent, ka nisur si një konflikt që përshkallëzoi në dhunë fatale. Mediat kanë zbuluar se sherri mes nxënësve kishte nisur prej një jave në rrjetet sociale.
