Një studim në Itali ka zbuluar se pacientët Covid-19 të cilët u testuan për koronavirusin e ri në një spital në muajin maj, kishin më pak shenja të virusit sesa ata që u testuan një muaj më parë.
Studiuesit ofruan disa teori për ‘ngarkesën virale’ më të ulët, duke përfshirë që masat e bllokimit mund të kenë zvogëluar ekspozimin e pacientëve ndaj virusit, por studimi i tyre nuk siguroi prova për të shpjeguar gjetjet e tyre.
Një mjek tjetër italian tha muajin e kaluar se ‘virusi klinikisht nuk ekziston më në Itali’, duke sugjeruar se virusi kishte ndryshuar dhe se nuk po përsëritej më më një ritëm të shpejtë.
Alberto Zangrillo, drejtues i kujdesit intensiv në Spitalin San Raffaele të Italisë në Milano, tha në atë kohë që komentet e tij do të përforcohen nga hulumtimi i botuar së shpejti i bashkë-udhëhequr nga shkencëtari tjetër Massimo Clementi.
Por studimi i Clementi, botuar të hënën, nuk kërkoi mutacione në virus ose ndryshime te pacientët, që mund të shpjegojnë pse sëmundja dukej më pak e rëndë në përgjithësi në pacientët e muajit të kaluar.
Burimi: Daily Mail | Përshtati: /GazetaAtdheu.com/
