Eksperti i ekonomisë, Klodian Muço tregoi për EuroNews tre sektorët kryesor ku pastrohen paratë në Shqipëri. Ndërtimi, blegtoria dhe turizmi, janë sektorët ku pastrohet pjesa më e madhe e parave, sipas ekspertit.
“Përgjatë viteve të fundit shikojmë një përkeqësim, për shkak të korrupsionit dhe krimit të organizuar. Në Shqipëri vitet re një rritje e krimit të organizuar dhe një lidhje e tij me administratën publike”, tha eksperti.
Ai veçoi Tiranën si vendi ku pastrohen më shumë para në sektorin e ndërtimit.
Përfaqësuesi i Shoqatës së Ndërtuesve, Ilir Hebovija theksoi se tashmë ka një sistem nga ana e shtetit për kontrollin e blerjeve.
“Nuk ka më para kesh që blihen, ka para që kalojnë nëpër noterë. Mbi 50 milionë shkojnë në zyrën e pastrimit të parave. Pra sistemi e ka mundësuar këtë histori”, tha ai.
“Janë rritur me 15% taksat në këtë sektor nga pushteti vendor dhe qendror dhe ka shkaktuar një pjesë të mirë të rritjes së çmimeve në treg. Kjo ndikon drejtpërdrejt tek konsumatori”, përfundoi ai.
