Një blogere interneti është kritikuar shumë nga fansat e saj, kur i ka pyetur se cilën nga katër “Porsches” e saj duhej që të drejtonte. Ndjekësit në rrjetet sociale i janë kthyer ashpër duke i thënë se ka njerëz që përpiqen të sigurojnë jetesën për fëmijët e tyre.
Është fjala për milioneren Ruse, Yana Rudkovskaya, e cila e ka ndjerë menjëherë zemërimin e përdoruesve të rrjeteve sociale, kur ajo ekspozoi pasurinë e saj në një video.
Në pamjet e postuara në rrjetet sociale, 46-vjeçarja shfaqet njëherë pranë një Porsche 718 Cayman S, më pas te Porsche 911 Turbo Cabriolet. Jo vetëm kaq, ajo kishte gjithashtu edhe Porsche Panamera GTS dhe Porsche Cayenne.
Ndërsa po përgatitej për një ngjarje, producentja e muzikës pyeti fansat e saj: “A do të më ndihmonit të zgjidhja një makinë për çmimet e MuzTV të nesërme?”.
E teksa priste një përgjigje nga pesë milionë ndjekësit e saj, Yana mori një “breshëri” kritikash. “Pse shfaqesh kështu? Ne përpiqemi të blejmë ilaçe për fëmijë”, tha një komentues.
