Familjet Konesha dhe Mera janë marrë në mbrojtje një ditë pas krimit të rëndë që ndodhi në Dibër. Mësohet se marrja në mbrojtje e dy familjeve është për tu siguruar që nuk do të ketë një hakmarrje pas ngjarjes së rëndë.
Xhetan Konesha u vra me breshëri kallashnikovi një ditë më parë nga Muhamet Mera dhe Altin Mera (vëllezër), me të cilët ishte konfliktuar shumë herë për tubat e ujit.
Para pak kohësh, në muajin gusht të verëz së kaluar, Konesha kishte dhunuar Altin Merën në lokalin e fshatit, po për të njëjtën çështje.
Dje, pas konflikteve të njëpasnjëshme vëllezërit Mera i prenë rrugën Koneshës teksa hipte në furgon me të bijë adoleshente për të ikur drejt qytetit. Pas debatit verbal një prej tyre shkrepi kallashnikovin dhe e vrau Koneshën në sy të vajzës. Muahmet Mera është vënë në pranga, ndërsa Altin Mera është shpallur në kërkim.