I riu që mbeti i vrarë me armë zjarri gjatë natës që lamë pas në qytetin e Vlorës, është nxjerrë në pritë.
Kristjan Breshanaj është lajmëruar nga persona të tjerë dhe sapo ka dalë nga banesa e tij është qëlluar me armë zjarri automatike duke i shkaktuar vdekjen e menjëhershme.
Krimi i rëndë ka ndodhur vetëm rreth dhjetë metra larg banesës në një rrugicë që shihni në foto.
I ndjeri është djali i një mjeku reminator në spitalin e Vlorës.
Për ngjarjen janë shoqëruar rreth 14 persona, që mund të kenë dijeni për konfliktet që mund të ketë pasur viktima, shkruan Panorama.
Viktima ishte fëmija i vogël i familjes Breshanaj, ndërsa ka një vëlla më të madh që jeton jashtë vendit. Ende nuk dihen motivet e krimit të rëndë.
