Pas 13 ditësh kërkim, policia ra në gjurmët e biznesmenit Rruzhdi Hoxha. Ky i fundit u gjet i pajetë në një humnerë pranë Malit me Gropa në Dajt. Pas kësaj policia ka lënë në burg dy vëllezërit e akuzuar për ngjarjen në fjalë. Ferdinand Rrushi akuzohet se është vrasësi i biznesmenit pasi është personi i fundit që ka takuar të njerin dhe ky fakt ndihmohet edhe nga dhe kamerat e sigurisë që kanë fiksuar këtë moment. Ndërkohë vëllai i tij Pajtimi akuzohet për “Veprime që pengojne zbulimin e te vërtetës” dhe “ Fshehje ose asgjësim i kufomës“ pasi e ka ndihmuar Ferdinandin që të fshihte ‘Passatin’.
