Vincent Lampert, një prift katolik dhe ekzorcist i caktuar për Kryedioqezën e Indianapolis, ka parë njerëz që “nxjerrin shkumë nga goja dhe ulërijnë” gjatë ekzorcizmave të shumta gjatë karrierës së tij.
Ekzorcizmi është një rit i lashtë në Kishën Katolike, domethënë në thelbin e saj, Lampert tha:”një lutje drejtuar Perëndisë kundër demonëve”.
Ajo lutje ka fuqinë të urdhërojë një demon të largohet nga trupi i një njeriu bazuar në fuqinë dhe autoritetin e Krishtit, shpjegoi Lampert.
Ai përshkroi shenjat që tregojnë se një person është pushtuar nga një demon. Disa flasin me “një zë shumë të thellë dhe autoritar”, tha ai, ndërsa shtoi se ka parë gjithashtu sytë e një personi të pushtuar “të bëhen jeshile” dhe “bebëzat e tyre të bëhen si një gjarpër”.
Lampert tha se të gjitha këto janë sinjale të një demoni që përpiqet të thotë: “Mos u ngatërro me mua sepse unë jam më i fuqishëm se ti”.
Ai shpjegoi gjithashtu pse ekzorcizmi nuk filmohet dhe publikohet nga Kisha Katolike.
“Kjo është për të mbrojtur identitetin e personit që është i pushtuar”, tha Lampert. /NYP
