Një postim në Twitter nga Elon Musk dhe spastrimi i drejtuesve të lartë mbyllën sagën e marrjes së Twitter-it po aq kaotike sa filloi, pa asnjë njoftim zyrtar, vetëm një postim me tre fjalë nga i vetëdeklaruari Shefi Twit – “zogu është liruar”.
Themeluesi miliarderi i Tesla dhe SpaceX, i cili tha se po blen platformën “për të ndihmuar njerëzimin” ka kërcënuar se do të shkurtojë fuqinë punëtore. Fokusi tani është drejtpërsëdrejti tek mënyra sesi i vetë-përshkruari “absolutist i fjalës së lirë” planifikon të drejtojë platformën gjigante të mediave sociale, e cila është shumë me ndikim në SHBA dhe jashtë saj, veçanërisht me zgjedhjet kryesore që po afrohen.
Twitter raportoi për herë të fundit 238 milionë përdorues aktivë në ditë. Komentet e Musk për lirinë e fjalës kanë tmerruar audiencën liberale të platformës dhe grupet e interesit publik.
Ai do të ri-platformojë ish-presidentin Donald Trump, i cili u përjashtua nga Twitter në janar të 2021 për nxitjen e dhunës rreth kryengritjes së 6 janarit në Kapitolin e SHBA. Musk ka thënë publikisht se ai mendoi se vendimi ishte një gabim.
