Elon Musk nxjerr në treg aromën “Burnt hair” dhe mbledh dy milionë dollarë në një ditë. Njoftimi i operacionit të ri të marketingut të CEO të Tesla vjen me një postim në Twitter: “Ju lutemi blini parfumin tim që të mund të blej Twitter”.
Miliarderi Elon Musk ka ndryshuar edhe bio-n e tij në Twitter, duke e përshkruar veten si një “shitës parfumesh”.
Parfumi prezantohet në shishe qelqi me ngjyrë të kuqe vere. Parfumi, i cili do të dërgohet te porositësit në tremujorin e parë të vitit 2023, mund të blihet edhe me Doge, një kriptomonedhë që rrjedh nga Bitcoin dhe që mbështetet edhe nga biznesmeni.
Sa i përket aromës, Elon Musk siguron se përdorimi i parfumit të tij është si të afrosh kokën mbi një qiri, por pa djegur flokët. “Përdorimi i parfumit tim është një mënyrë për t’u dalluar nga të tjerët, kudo që të jeni”.