Elon Musk ka gjetur pasardhësit e tij të mundshëm për pesë kompanitë e tij, por fëmijët e tij me sa duket nuk janë në listë.
Miliarderi, 51-vjeç, duket se nuk beson në dorëheqjen të paktën kur bëhet fjalë për kompanitë e tij masive. Gjatë një bisede të fundit me Këshillin e CEO të The Wall Street Journal, Musk tha, pa përmendur asnjë emër, se ai kishte identifikuar njerëzit që mund të merrnin përsipër kompanitë e tij nëse diçka i ndodhte.
“Ka individë të veçantë të identifikuar që unë i kam thënë bordit: “Nëse diçka më ndodh papritur, ky është rekomandimi im për të marrë përsipër”. Pra, në të gjitha rastet, bordi është në dijeni se kujt i kam rekomanduar”, tha Musk.
CEO i Twitter tha se ai nuk beson në idenë që drejtuesit t’ua dorëzojnë frenat e kompanive të tyre fëmijëve të tyre vetëm sepse ata janë të lidhur.
“Unë definitivisht nuk jam i shkollës për t’u dhënë automatikisht fëmijëve të mi një pjesë të kompanive, edhe nëse ata nuk kanë interes, prirje apo aftësi për të menaxhuar kompaninë. Unë mendoj se ky është një gabim”, shpjegoi Musk./Ladbible
