Elon Musk theu një dritare të Tesla Cybertruck, pikërisht në momentin kur donte të dëshmonte se sa të pathyeshme ishin. E gjitha kjo ndodhi gjatë një transmetimi live.
Cybertruck i Tesla-s është projektuar që të ketë ‘dobinë e një kamioni me performancë të makinës sportive’. Duket një makinë me telekomandë e bërë prej çeliku inox, por kur ai zbuloi modelin në nëntor 2019, Elon Musk dukej mjaft i lumtur.
Në fakt, ai ishte aq i sigurt në kredencialet e makinës, saqë i kërkoi shefit të dizajnit të Tesla, Franz von Holshausen, të përpiqej të thyente xhamin “e pathyeshëm” gjatë një demonstrimi live.
“Ju dëshironi një kamion që është vërtet i fortë, jo i fortë i rremë. Dëshironi një kamion ku mund të merrni një vare, ta qëlloni dhe kamioni të mos gërvishtet”, tha Musk.
E vetmja gjë është se kur von Holshausen lëshoi një top çeliku në makinë, ai në fakt përfundoi duke thyer dy xhama. Nuk u desh shumë kohë që njerëzit të fillonin të krahasonin zbulimin e Cybertruck me momentin kur Homer Simpson zbuloi modelin e tij katastrofik të makinës me shpenzimet e vëllait të tij të humbur prej kohësh./Ladbible
