“Për Atdheun japim jetën ne” – ishte ky mesazhi emocionues i një qytetari teksa nxirrte portofolin e tij nga xhepi për të dhuruar para për hapjen e një media të re televizive në Shqipëri, Tv Atdheu. Një televizion i pavarur, i papërlyer me pazaret politike dhe duke bërë kompromisë vetëm më qytetarët.
Tv Atdheu po lind si një nevojë e domosdoshme e medias kritike, opozitare dhe në krah të halleve të popullit shqiptar. Qytetarët janë informuar për këtë iniciativë të re nëpërmjet faqes së shqiptarëve, JOQ Albania, nga ku kanë nisur dhe dhurimet vullnetare për të ndihmar në krijimin e stafit dhe kushteve për hapjen e kësaj media.
Këtë të premte qytetarët janë shprehur të gatshëm duke dhuruar para fizikisht nga xhepi i tyre për një media të lirë dhe të pavarur.
Gazetarja e JOQ Albania ka intervistuar disa prej qytetarëve dhurues, ku njëri prej tyre ka shprehur dëshirën që një televizion pro shqiptarëve të hapet sa më shpejt.
