Një bandë e krimit të organizuar është “çmontuar” pasi policia gjeti një gjurmë kanabisi në një rrugë.
Oficerët gjurmuan makinën nga North Yorkshire në Hertfordshire dhe 300 000 paund kanabis u gjetën në një makinë.
Një shtesë prej 240 000 paund të drogës u gjet në fermat e kanabisit të ngritura në tre shtëpi në Harrogate, North Yorkshire.
Gjashtë burra janë burgosur nga Leeds Croun Court pasi u deklaruan fajtorë për prodhimin e kanabisit.
Gjykata dëgjoi se policia shkoi së pari në Alexandra Road, Harrogate më 26 shtator për të hetuar një shqetësim dhe ata zbuluan se një numër automjetesh kishin lënë “një gjurmë të mbeturinave të kanabisit në rrugë”.
Kreu i bandës Visar Sellaj, 33 vjeç, nga Neunham Road, Londër u burgos për gjashtë vjet e nëntë muaj
Kujtim Brahaj, 50 vjeç, me banim në Uellington Road, Enfield, u burgos për tre vjet e dy muaj
Indrit Brahaj, 27 vjeç, nga Uhitings Road, Barnet u burgos për katër vjet e katër muaj
Bledar Elezaj, 36 vjeç, pa adresë fikse, u burgos për tre vjet
Erblin Elezaj, 33 vjeç, gjithashtu pa adresë të caktuar, u burgos për pesë vjet e dy muaj
Andi Kokaj, 23 vjeç, pa adresë fikse, u burgos për tre vjet