Një gjykatë në Angli i kërkoi një bosi shqiptar të drogës që të paguajë një shumë prej mbi gjysmë milion sterlina.
Agim Toska u arrestua pasi shiste kokainë. Ai e fshihte drogën e klasit A nën dërrasat e dyshemesë. Kur bastisi shtëpinë e tij, policia gjeti kokainë me vlerë 75 mijë sterlina dhe kanabis me vlerë 50 mijë sterlina.
26-vjeçari është dënuar në të shkuarën me nëntë vite dhe shtatë muaj burg.
Këtë javë ai doli përpara gjykatës, ku u zbulua se ai ka bërë 656 mijë sterlina nga përpjekjet e tij.
Gjykatësja e urdhëroi të paguante mbrapsht 511 mijë sterlina nga fitimet e tij, ose të dënohet me shtatë vite të tjera shtesë.
