Sipas Onda Deportiva, Arsenal ka bërë ofertë zyrtare te klubi Levante për të transferuar shqiptarin Enis Bardhi.
Me paraqitjet e tij të mira në La Liga, thuhet se mesfushori do të ishte një zgjidhje shumë e mirë për trajnerin Mikel Arteta, i cili ja ka mbyllur derën dhe nuk i llogarit më shërbimet e Mesut Ozil.
Bardhi që mban numrin 10, sivjet po kërkohet edhe nga ekipe të Bundesliga si dhe nga italianët e Fiorentina, ndërsa kontrata e tij me Levante është deri në qershor 2022, me mundësi vazhdimi edhe për dy sezone.
Futbollisti 24-vjeçar sivjet ka luajtur në 26 ndeshje për ekipin, duke shënuar katër gola dhe ka asistuar tre herë në La Liga.
Aktualisht Arsenal është në vendin e shtatë të Premier League, me 46 pikë, dhe me shumë gjasa nuk do të mund të kualifikohet për në Champions League sezonin tjetër. /GazetaAtdheu.com/
