Kryeministri Edi Rama vazhdon të mbajë të mbyllur shume qytete te vendit, duke shkaktuar keshtu dëme të medha ekonomike në jetën e qytetareve.
Ai flet per bashkitë e kuqe dhe ato të gjelbra, duke mbajtur kështu në fuqi një tezë qesharake.
Por epidemiologu Ilir Alimehmeti duke publikuar nje grafik thotë se asnjë bashki në vend nuk është zonë e kuqe.
STATUSI I ALIMEHMETIT
“Të gjelbër” apo “të kuq”, kjo është çështja!
Sipas vendimit normativ të Gjermanisë, që të shënohesh “zonë e kuqe” do të thotë të kesh të paktën 50 raste të reja për 100.000 banorë në një javë!
-Po përdor indikatorin e Gjermanisë, pasi për Shqipërinë nuk është bërë publik informacioni mbi indikatorin e përdorur për të caktuar një bashki të kuqe apo të gjelbër.
-Asnjë nga bashkitë e Shqipërisë nuk i përmbush këto kushte, pra të gjitha bashkitë duhet të jenë të gjelbra.
Nisur nga numri i banoreve, numri minimal i rasteve për “bashkitë e kuqe” është:
-Tirana: duhen 247 raste/javë dhe ka 21 raste (8.5%).
-Kamza: duhen 52 raste/javë dhe ka 9 raste (17.3%).
-Shkodra: duhen 100 raste/javë dhe ka 6 raste (6.0%).
-Fieri: duhen 145 raste/javë dhe ka 5 raste (3.4%).
-Kruja: duhen 30 raste/javë dhe ka 14 raste (46.7%). Kujdes këtu!
Bashkitë e çuditshme të kuqe:
-Durrësi: duhen 88 raste/javë dhe nuk ka asnjë rast (0%).
-Kurbini: duhen 23 raste/javë dhe nuk ka asnjë rast (0%).
Ndër bashkitë e gjelbra:
-Berati: duhen 61 raste/jave dhe ka 1 rast (1.6%).
Kjo është situata e javës 06-12 Maj 2020.
Megjithatë, asnjë nga bashkitë e mëdha nuk duket të jetë afër pragut kritik.
Lirimi i masave po shoqërohet me mosrritje të rasteve të reja!
Ky është një lajm shumë i mirë!
Koment: situata është dinamike dhe si e tillë duhet trajtuar. /Standard