Një qytetar ka kontaktuar redaksinë për të denoncuar mungesën e ujit prej dy ditësh në zonën e pallateve Derveni, pranë pallateve Çabej.
Sipas denoncimit, banorët e kësaj zone kanë mbetur pa furnizim me ujë prej 48 orësh dhe, pavarësisht kesaj situata vijon të jetë e njëjtë.
Qytetari shprehet i revoltuar për situatën, duke ironizuar edhe rikthimin e tij në Shqipëri pas shtatë vitesh per pushime.
“Përshëndetje JOQ, u ktheva në Shqipëri pas 7 vitesh. Prej 2 ditësh nuk ka ujë te pallatet Derveni, pranë pallateve Çabej. Dita e dytë pa ujë”, shkruan ai.
Mungesa e ujit ka krijuar vështirësi për banorët, të cilët detyrohen të blejnë shishe e bidona për nevojat bazë të tyre.
Banorët presin ndërhyrjen e institucioneve përgjegjëse për furnizimin me ujë dhe sqarimin e situatës.
