Presidenti turk Rexhep Tajip Erdogan bojkoton Samitin e Klimës. Ai ka njoftuar se nuk do të marrë pjesë në konferencën e klimës COP26, pasi sipas tij Britania e Madhe dështoi të përmbushë “standardet e protokollit të sigurisë” që u kërkuan nga qeveria turke.
Erdogan u shpreh se nuk do të udhëtonte më nga samiti i G20 në Romë në samitin e klimës COP26 në Glasgoë, pasi Britania e Madhe informoi qeverinë turke “në minutën e fundit” se nuk mund të përmbushte kërkesat e tyre të sigurisë.
“Kishte standarde të protokollit të sigurisë që ne kishim kërkuar për Konferencën e Kombeve të Bashkuara për Klimën në Glasgoë. Këto janë standarde në protokolle që zbatohen gjithmonë për ne dhe për të gjithë drejtuesit në të gjitha vizitat. Megjithatë, na u tha se këto nuk do të përmbushen në minutën e fundit.”- pohoi presidenti turk.
