Ditën e sotme, Presidenti turk, Rexhep Tajip Erdogan ka dalë kundër Shteteve të Bashkuara të Amerikës dhe Francës, pasi këta të fundit dënuan qëndrimin e policisë ndaj studentëve të Universitetit të Bosforit.
“Ajo që ndodhi në Universitetin e Bosforit nuk ka asnjë lidhje me studentët. Ata janë të motivuar politikisht dhe kjo është e qartë, roli i opozitës në to është i qartë. Në të gjitha, akademikët janë të përfshirë. Por ajo që ndodhi në Gezi nuk do të ndodhë kurrë”, tha fillimisht Erdogan.
Dhe ai vazhdoi, duke shigjetuar SHBA-në dhe Macron (edhe një herë): “A mund të merreni me vendin tuaj dhe në universitetet tuaja? Çfarë kanë për të thënë SHBA dhe Bashkimi Evropian në lidhje me këtë? Ata dënojnë atë që ndodhi në Universitetin e Bosforit, por më lejoni ta them këtë në Shtetet e Bashkuara: nuk keni turp për atë që ndodhi para zgjedhjes suaj? Për kërcënimet nga të dy palët, ngjarjet që ndodhën atje? Racizmi ka arritur në tavan. A nuk keni turp për sjelljen e policisë dhe vrasjen e qytetarëve zezakë? Si i shpjegoni të gjitha këto? Po ashtu edhe Macron po dërgon një mesazh në emër të BE. Zoti Macron, kujdesuni më parë për Jelekët e Verdhë”, tha ai, duke iu referuar presidentit francez.
