Deklaroi disa kohe më parë se ishte infektuar me COVID-19, por sot Kryetari i Bashkisë së Tiranës, Erion Veliaj, ka shpërndarë lajmin se është shëruar.
Vetëm dy ditë më parë mediat folën sikur gjendja e tij ishte përkeqsuar dhe se ai do të nisej jashtë vendit për kurim.
Por i menjëhershëm ishte reagimi i Bashkisë së Tiranës, e cila e përgënjeshtroi lajmin.
Ndërsa sot, kryebashkiaku njoftoi se kishte marrë përgjigjen e tamponit të dytë, i cili ka rezultuar negativ, duke bërë që tashmë ai t’i rikthehet zyrës.
Bashkë me Veliajn, negative me koronavirus, ka rezultuar edhe bashkëshortja e tij, Ajola Xoxa.
Gruaja e kryebashkiakut, pasi mori vesh që ky i fundit, ishte i infektuar, bëri gjithashtu tamponin, i cili i rezultoi negativ.
Vetë kryetari i Bashkisë Tiranë, Erion Veliaj, bëri me dije se ishte i infektuar me Covid-19 në fund të muajit korrik, më datë 28.
Nëpërmjet një postimi në rrjetet sociale, ai u shpreh se, ndodhej në gjendje të mirë shëndetësore dhe se punën e vijonte nga shtëpia.
Por pa mbyllur ende 14 ditë, Lali ka nxituar që të bëjë publike atë lajm që ende nuk është i konfirmuar zyrtarisht, ose gjithsesi është i dyshimtë.
/Gazetaatdheu.com/
