Pas daljes nga “Përputhen” duket se Erlindit nuk po i del e keqja me produksionin dhe Arjan Konomin.
Ai ka bërë një status në rrjete sociale, ku shprehet se nëse nuk do të tregojnë transparencë totale në lidhje me çështjen e “mallit”, do të publikojë materialet dhe videot që ka në dispozicion.
Erlindi i ka kërkuar produksionit të nxjerrë videot e plota të debatit me Arjan Konomin, i cili akuzoi Kristianin për shitje dhe atë si përdorues.Ish-konkurrenti shprehet se opinionisti duhet të mbajë përgjegjësi publike për njollosjen e emrit të tyre.
Erlindi ka treguar paraprakisht se Konomi ka dalë nga skena duke bërtitur me të madhe, pas një sërë akuzash.
“I kërkoj produksionit që të nxjerri videot e plota të debatit tonë me opinionistin, po ashtu të publikojnë edhe videot e regjistruara në prapaskenë ditën që na u bënë akuzat.
Aty do shikoni një çmenduri akuzash dhe opinionisti ka dalë nga skena duke bërtitur me të madhe e duke thënë që të thirret policia.
Pasi e kuptoi gabimin që të mos dilte keq në publik dhe që e teproi, ka ndërprerë programin dhe për disa orë s’ka ardhur në skenë, që të sigurohej që të mos transmetohej asgjë, por askush s’i di këto fakte.
Jam i gatshëm për përgjegjësinë publike për çdo veprim që kam kryer nëse akuzat janë të vërteta.
Nëse jo, të mbajë përgjegjësi publike ai. Nuk është e drejtë njollosja e emrit tonë padrejtësisht.
Nuk e pranoj dot. I kërkoj produksionit transparencë totale të të gjithë ngjarjes. Ndryshe do detyrohemi t’i publikojmë ne të gjitha materialet dhe provat që kemi”, ka shkruar Erlindi.
