E ftuar mëngjesin e sotëm në “Wake up” ishte moderatorja e njohur, Eva Murati, e cila foli më gjatë për ftesën në Mediaset, moderimin e aktrimin.
Kur u pyet për aktrimin, Eva tregoi se po punon me një projekt, por nuk dëshiron të zbulojë më shumë. Ndërkohë Isli e ngacmoi paksa nëse në film do të ketë skena intime dhe Eva tregoi se kjo gjë e ka penalizuar sepse asnjëherë nuk ka pranuar.
“Fakti që s’kam pranuar më ka penalizuar shumë. Unë në ekranin si aktore nuk e kam dhënë akoma puthjen e parë. Do mendohem mirë”, u shpreh Eva dhe tregoi se kusht për këtë është skenari i mirë.
“Mbi të gjitha duhet të jetë skenari i mirë, të jetë e motivuar puthja, të vijë natyrshëm. Zakonisht skena të tilla bastardohen vetëm për të rritur audiencën, shikimet, që të përflitet. Unë disa herë kam refuzuar”, tha Eva.
