Një rast i rëndë është bërë publik në media i filmuar në Shtëpinë e të Moshuarve në Pejë. Një infermiere e re në moshë dhunon me shpulla dhe shkelma një të moshuar duke qeshur teksa punonjëset e tjera e filmojnë.
Gruaja e moshuar nis të qajë nga dhimbjet dhe përpiqet ta ndalojë. Pamjet e rënda janë bërë virale në rrjet dhe reagimi i qytetarëve ka qenë i ashpër. Sipas informacioneve, e reja dhe infermierja që filmon dhunën janë vënë në pranga.
Vajza e të moshuarës ndodhet në gjendje të rëndë emocionale pas publikimit të videos.
“E kam lajmëruar policinë e Gjakovës, siç duket e kanë arrestuar, të shohim tash kush është ajo, pse është përdorur ajo dhunë”,-ka deklaruar për mediat lokale dhëndri i së moshuarës.