Kinezi Jiao, 43 vjeç, njëherë u shpall nga mjekët i vdekur, por më pas u kthye i gjallë në shtëpi, duke tronditur anëtarët e familjes.
I ndjeri u shfaq te dera e shtëpisë dy muaj pasi familja mbajti ceremoninë e varrimit.
Jiao, i cili ka një sëmundje mendore, u zhduk nga shtëpia e tij në qytetin jugperëndimor Chongking në mars, tregon xhaxhai i tij.
Xhaxhai i tij i frikësuar u tha mediave lokale se e gjithë familja ishte e tronditur kur menduan se Jiao ishte “kthyer nga të vdekurit”. Në fund të fundit, rezultoi të ishte një gabim. Përkatësisht, spitali pretendon se mjekët kanë ngatërruar një pacient tjetër me të, pasi ishin shumë të ngjashëm.
Familja shpenzoi rreth 15,000 euro për një funeral të madh.
Ndërsa familja luftonte me pikëllim, xhaxhai i tij mori një telefonatë nga policia në fund të majit.
Ata i thanë që kishin gjetur një burrë të pastrehë, i cili pretendonte se ishte Jiao. Me ndihmën e policisë, Jiao u kthye në shtëpi më 5 qershor.
Për shkak të gjendjes së tij mendore, Jiao nuk ishte në gjendje të shpjegonte se si ai udhëtoi afro 1500 kilometra nga Chongking në Shangrao, raportojnë mediat kineze.
Familja tani është duke pritur kompensim nga spitali.
Burimi: Daily Mail | Përshtati: /GazetaAtdheu.com/
