Kishte zbritur në bregdet për të bërë plazh, por kishte zgjedhur vendin e gabuar për të notuar…
Kështu ka ndodhur me një shtetas nga Korça, me iniciale S. Dh., i moshës 68-vjeçare, i cili është mbytur sot në plazhin e Zvërnecit dhe për pasojë ka humbur jetën.
Policia njofton se, rreth orës 10:30, në plazhin e Zvërnecit, pranë vendit të quajtur “Hunda e Plakut”, shtetasi S.Dh., 68 vjeç, banues në Korçë, dyshohet se i ka rënë infarkt dhe si pasojë, është mbytur në ujë.
68-vjeçari vuante nga diabeti dhe ishte i shoqëruar me të bijën prej disa ditësh, duke bërë plazh në këtë zonë.
Njoftimi i policisë:
“Rreth orës 10:30, në plazhin e Zvërnecit, pranë vendit të quajtur “Hunda e Plakut”, shtetasi S.Dh., 68 vjeç, banues në Korçë, dyshohet se i ka rënë infarkt dhe si pasojë është mbytur në ujë.
68-vjeçari vuante nga diabeti dhe ishte i shoqëruar me të bijën prej disa ditësh duke bërë plazh në këtë zonë.
Grupi hetimor po kryen veprimet e mëtejshme proceduriale”.
/Gazetaatdheu.com/