FBI ka njoftuar se dy bomba janë vendosur pranë selive së partive Demokratike dhe Republikane një natë para trazirave të Kapitolit, raporton CNN.
Autoritetet federale ofrojnë 100 mijë dollarë shpërblim për informacion në lidhje me personin që ka vendosur bombat, i cili është parë në kamerat e sigurisë por nuk është identifikuar.
Selia e demokratëve dhe republikanëve ndodhen pranë njëra-tjetrës në Uashington dhe rreth 1 kilometër larg Kapitolit.
Në njoftimin e FBI-së thuhet se bombat janë vendosur midis orës 7:30 dhe 8:30 pasdite më 5 janar, një natë para protestave në Kapitol.
Ato kanë patur një mekanizëm që përcakton kohën e shpërthimit.
FBI ka arritur të identifikojë deri tani vetëm modelin dhe ngjyrën e këpucëve të personit në kërkim.
Bombat u zbuluan ditën e trazirave dhe u shpërthyen në mënyrë të kontrolluar.
Burime pranë FBI-së kanë thënë për CNN nuk kanë konfirmuar nëse bombat kanë lidhje me protestën në Kapitol.
/exit
