Fermerët në protestë: Po presim përgjigje nga qeveria prej 3 javësh

Fermerët në protestë: Po presim përgjigje nga…

Prej javësh dhe në Shqipëri si në mbarë Europën fermerët janë ngritur në protestë. Blegtorët e zonës së Gjirokastrës Sarandës dhe Delvinës janë grumbulluar ditën e sotme për të protestuar në urën e Gajdarit, në hyrje të Sarandës. 

Ata kërkojnë barazim të TVSH-së për produktet bujqësore, rimbursim për çdo litër qumështi, naftë pa taksa për mjetet bujqësore, faturë TVSH me çmim real nga pika te grumbullimit në ditën e dorëzimi të produktit, subvencionim për farat e fidanët, subvencionim për produktet organike.

Ata thonë se do ta përshkallëzojnë protestën pasi kanë tre javë që presim një përgjigje nga qeveria. Sipas tyre, ministrja ka një duzinë me burokratë në zyra, që duhet t’i nxjerrë në rrugë dhe të verifikojnë situatën në terren.

“Ne jemi të shkatërruar. Do të përshkallëzojmë protestën pasi kemi tre javë që presim një përgjigje nga qeveria. Subvencionet të na bëhen sa janë në vendet e rajonit, këtu dominon malli serb dhe gruri mbetet rrugëve. Informalitetin ta luftojë ministrja, ku është informaliteti jonë se prodhojmë qumësht  bio. Ministrja ka një dyzinë me burokratë në zyra, t’i nxjerrë në rrugë dhe të verifikojnë situatën në terren, ata janë të paaftë, mos ta kërkojnë nga ne zgjidhjen. Ne nuk arrijmë dot Kosovën, pasi subvencionet janë 12-fishi më i lartë sa ne. Këta janë tradhtarë, ata kërkojnë të zhdukin blektorinë, duan të na zhdukin dhe të na zëvendësojnë me afrikanë”, deklaroi një fermer.

Më Të Klikuarat

Lajmet e fundit