Qyteti i Fierit ka shënuar sot një incident me armë zjarri, ku si pasojë e disa të shtënave, ka mbetur i plagosur një vlonjat.
Policia njofton se nga të shtënat është plagosur në banesën e tezes së tij një 50-vjeçar nga Vlora.
Ndërkohë, menjëherë pas ngjarjes autorët janë larguar me një mjet të tipit “Benz-Mercedes”, i cili pak minuta më vonë është gjetur i djegur në aksin rrugor Fier-Levan, në vendin e quajtur “Rrethrrotullimi i Levanit”.
Informacion paraprak
“Sot më datë 01.08.2020, rreth orës 00:30, në lagjen Mbrostar-Ferko, Fier, në banesën e tezes së tij, është plagosur me armë zjarri në krahë shtetasi N.Xh, 50 vjeç, banues në Vlorë.
50-vjeçari ndodhet në spital nën kujdesin e mjekëve jashtë rrezikut për jetën.
Autorët dyshohet se janë larguar me një mjet tip “Benz” i cili pak minuta më vonë u gjet i djegur në aksin rrugor Fier-Levan, në vendin e quajtur “Rrethrrotullimi i Levanit”.
Është ngritur grupi hetimor dhe po punon për zbardhjen e plotë të ngjarjes, identifikimin dhe kapjen e autorëve”.
/Gazetaatdheu.com/