Nënkomisari Festim Lelaj është dënuar me 17 vite burg nga Gjykata e Posaçme. Punonjësi i policisë është i akuzuar për trafik lëndësh narkotikem teksa u arrestua si personi që ka organizuar trafikimin e 2.8 tonë drogë nga Shqipëria në drejtim të Italisë. Sasi e madhe droge është kapur në janar 2017 brenda një kamioni në Ancona, ndërkohë policia vendase mundi të kapë vetëm shoferin. Lelaj ishte në gjykim për rastin e trafikut të 2.5 ton kanabis të kapur në portin e Durrësit vite më parë, ndërsa ndodhet në hetim edhe për dosjen “Shpirti”.
