Atletja shqiptare, Luiza Gega, ka bërë një paraqitje të mirë në finalen e Lojërave Olimpike të Tokio 2020.
32 vjeçarja nga Dibra ka zënë vendin 13 në në finalen e 3000 metrave me pengesa.
Larg rekordit të saj më të mirë, Gega e mbylli garën me kohën 9.34.10.
Padyshim që ky është një sukses për sportin në Shqipëri, pasi ishte finalja e parë për një sportiste të vendit tonë në Lojërat Olimpike.
Medaljen e arit në finalen e 3000 metrave me pengesa e fitoi atletja nga Uganda Peruth Chemutai. Medaljen e argjendit shkoi për amerikanen Courtney Frerichs, ndërsa ajo e bronzit për kenianen Hyvin Kiyeng.
Luiza Gega arriti të siguronte një vend mes 15 atleteve më të mira të botës, falë një paraqitjeje të shkëlqyer të bërë në kualifikuese.
32-vjeçarja regjistroi kohën 9.23.85, duke u pozicionuar e pesta në baterinë 2 dhe e 11-ta në renditjen e përgjithshme, në një garë ku konkurruan 41 atlete. Kujtojmë se kualifikimi për në finale ishte edhe objektivi kryesor që kishte Luiza Gega për në “Tokio 2020”.
