A do të jetë Inter-Juventus ndeshja e fundit për presidencën Suning? Është ende herët për t’u thënë. Por mundësia duhet të merret në konsideratë. Varet se si do të evoluojnë negociatat me kompaninë BC Partners. Siç dihet fondi londinez do të bëjë ofertën e tij zyrtare për të marrë të paktën një pjesë të klubit. Fillimisht mund të jetë një pakicë e aksioneve, por me një procedurë të vendosur tashmë për të marrë më pas kontrollin e shoqërisë.
Skenari do të jetë i qartë deri në fund të shkurtit. Në fakt, më 28 të muajit tjetër, ekskluziviteti i dhënë nga Suning skadon. Pika fillestare, megjithatë, është se një mirëkuptim thelbësor tashmë është arritur midis palëve për vlerësimin e klubit, i cili do të jetë rreth 750-800 milion, duke përfshirë borxhet. Vetëm nëse afati i datës 28 shkurt do të tejkalohej pa ngërç, atëherë fondet e tjera që kanë shprehur interes mund të hyjnë në lojë.
Në çdo rast, nëse Inter-Juve i ardhshëm do të jetë gjithashtu i fundit i epokës së Suning, e para duhet të mbahet mend, pasi ajo përkoi me fitoren e fundit të zikaltërve ndaj rivalëve të tyre. Ishte 18 shtator 2016 dhe 3 muaj më parë kishte marrë aksionet nga Thohir.
