Një çift thotë se u detyruan të flinin në një rrip transportieri aeroporti, pasi fluturimi i tyre u vonua për më shumë se 20 orë. Sam Johns, 31 vjeç dhe partnerja Danielle Downing, 30 vjeç, fluturuan nga Aeroporti i Bristol për në Lanzarote më 9 mars, por kur erdhi koha që ata të fluturonin përsëri më 12 mars, fluturimi i tyre vonoi për shkak të motit të keq dhe më pas u anulua. Çifti u bllokua në aeroport mes qindra të tjerëve që ishin vendosur të hipnin në të njëjtin avion.
“Fillimisht avioni ishte caktuar të ngrihej në orën 18:00 me kohën lokale, por u vonua. Rreth mesnate na u kthyen bagazhet dhe na premtuan strehim dhe transferta, të cilat nuk erdhën kurrë. Qindra njerëz u detyruan të flinin në dyshemenë e betonit ose në shiritat transportues në seksionin e mbërritjeve. Pa ujë, batanije, asgjë tjetër veç një kupon prej 4 € (3,50 £) i cili u anulua në vende të caktuara”, tha Johns.
Për t’i bërë gjërat edhe më keq, Johns tha se ata u dërguan në porta të ndryshme nisjeje përpara se të konfirmohej përfundimisht se fluturimi ishte anuluar deri të nesërmen për shkak të motit. Johns, nga Devon, tha se ai dhe partnerja e tij mezi flinin dhe panë fëmijë të vegjël të detyruar të shtriheshin në dysheme betoni gjatë natës, ndërsa pasagjerët e moshuar flinin në karrige me rrota.
“Ishte e tmerrshme. Unë kurrë nuk kam përjetuar diçka të tillë në jetën time. Ishte goxha traumatike. Ne po përpiqemi të marrim kompensim, por kjo gjithashtu po rezulton të jetë një makth absolut për shkak të rezervimeve nga palët e treta”, tha ai. Çifti përfundimisht hipën rreth orës 15:00 të ditës pasardhëse, 21 orë pas fluturimit të tyre të parë.
