Kanë dalë në dritë detaje të reja nga foshnja e pajetë e gjetur sot në zonën e ‘Ali Demit’, në një kosh plehrash.
Siç mësohet, foshnja ka lindur që ditën e djeshme, e pajetë, në maternitetin “Koçi Gliozheni”.
Foshnja ka lindur 7-muajshe, ndërsa nëna ishte nga Tepelena.
Ajo e kishte marrë nga materniteti, me pretendimin se do i bënte ritet mortore.
Duke mos pasur mundësi ekonomike për këto rite, ajo dyshohet se e ka lënë për këtë arsye foshnjen e pajetë në koshat e plehrave.
Njoftimi i Policisë së Tiranës:
Në vijim të informacionit paraprak të dhënë se në lagjen “Ali Demi”, mbrapa ish-markatës së vjetër, në koshin e mbeturinave është gjetur pa shenja jete një foshnje i gjinisë mashkullore ju bëjmë me dije se:
Nga tërësia e veprimeve hetimore u bë i mundur identifikimi si dhe shoqërimi në ambientet e Komisariatit të Policisë Nr.1, i shtetases H. M.,32 vjeçe, banuese në Gjirokastër, për veprime të mëtejshme hetimore.
Nën drejtimin e Prokurorisë vijon puna për zbardhjen e plotë të rrethanave të ngjarjes.
LEXO EDHE:
/Gazetaatdheu.com/
