Një foshnjë në Turqi, e cila kaloi 128 orë e bllokuar në rrënojat e tërmetit shkatërrues të vendit në shkurt, është ribashkuar me nënën e saj, e cila më parë ishte deklaruar e vdekur, sipas Ministrisë së Familjes dhe Shërbimeve Sociale të Turqisë.
Vetin Begdas tre muajsh e gjysmë u ribashkua me Yasemin Begdas të shtunën, 54 ditë pasi ajo u shpëtua nga një ndërtesë e dëmtuar në provincën e Hatay. Ajo ishte quajtur Gizem (Mister) nga autoritetet mjekësore që u kujdesën, për të pasi ajo u shpëtua.
Ministri i Familjes dhe Shërbimeve Sociale të Turqidë, Derya Yanik e ndihmoi çiftin të ribashkohej pasi lidhja e tyre u vërtetua përmes një testi të ADN-së. “Një nga detyrat më të çmuara në botë është ribashkimi i një nëne me fëmijën e saj. Të ishe pjesë e asaj lumturie do të thoshte shumë edhe për ne”,tha Yanik.
Sipas mediave turke, babai dhe dy vëllezërit e foshnjës u vranë nga tërmeti, i cili vrau më shumë se 50,000 njerëz. Vetëm në Turqi, më shumë se 44,000 njerëz vdiqën, ndërsa më shumë se 20 milionë njerëz kanë mbetur pa shtëpi.