Ka përfunduar pa dëmtime në njerëz përfshirja dhe më pash shkrumbimi i një makine nga flakët, buzë liqenit të Ohrit, në afërsi të Pogradecit.
Autovetura është djegur totalisht në aksin nacional Lin-Pogradec, në afërsi të fshatit Hudenisht.
Mjeti ka qenë në ecje, në momentin që ka marrë flakë. Për fat të mirë nuk ka të lënduar, veçse dëme materiale.
Drejtuesi i mjetit ka arritur të dalë në kohë nga mjeti, ndërsa burime nga policia bëjnë me dije së makina ka marrë flakë aksidentalisht.
Në vendngjarje ka mbërritur zjarrfikësja, e cila ka shuar flakët.
Nisur nga fakti që ngjarja ndodhi në një aks nacional, trafiku i mjeteve pësoi rëndim.
[ngg src=”galleries” ids=”321″ display=”basic_imagebrowser”]/Gazetaatdheu.com/