Kjo foto tragjike e cila ka bërë tashmë xhiron e botës, tregon momentin e fundit të një ekipi zjarrfikësish të Bejrutit, pak para tragjedisë që u mori jetën.
Efektivët po stërmundohen me mjete teknike të hapnin dyert e hangarit nr. 12, ku gjendej sasia prej 2750 tonësh nitrati, e cila shkaktoi katastrofën.
Zjarrfikësit mbërritën menjëherë në portin e Bejrutit pasi u lajmëruan për flakët.
Ata nuk e dinin se çfarë i priste, kur shpërthimi i nitratit të amonit do të shkaktonte dëme të ngjashme me një bombë bërthamore.
“Daily Mail” shkruan se, zjarrfikësit ishin pjesë e një trupe prej dhjetë personash.
Nëntë prej tyre nuk janë gjetur akoma. Kurse kolegia e tyre femër është konfirmuar e vdekur.
Aq me shpejtësi u dërguan këta heronj në punë, sa nuk kishin kohë as të vishnin uniformat mirë.
Shpërthimi i tmerrshëm ka shkaktuar të paktën 137 viktima në kryeqytetin e Libanit, si dhe disa mijëra të plagosur.
[ngg src=”galleries” ids=”262″ display=”basic_imagebrowser”]
/Burimi: Daily Mail/ Përshtati: Gazetaatdheu.com/
