“Qentë le të lehin… Saimiri shkon përpara…!”
Ky do të ishte përkufizimi më i mirë për ta përshkruar me dy fjalë aktivitetin relaksues të ish-ministrit të Brendshëm, Saimir Tahiri.
Ai vetë ka zbuluar “sekretin”, se ku po i kalon këto ditë të nxehta gushti, duke ndarë disa foto dhe video me ndjekësit e tij në rrjetet sociale.
I relaksuar, i tatuazhuar nga këmbët që i mban në ujët e ftohtë të një rrëkeje mali, Tahiri shfaqet i qeshur dhe plot energji.
Ish-ministri i akuzuar për trafik ndërkombëtar droge dhe lidhje me grupin e “Habilajve”, duket se ka lënë çdo gjë pas krahëve… madje dhe vetë PS-në.
Me sa duket, Saimirit i pëlqen më shumë se deti turizmi i fshatit, si dhe zonat malore për të eksploruar më shumë.
E pra, ky fillim gushti e ka gjetur ish-ministrin socialist në fshatin e origjinës.
Ashtu siç shihet edhe nga fotot që vetë ish-ministri ka publikuar në Facebook, ai ka qenë në fshatrat e Tepelenës.
“Kuç – Gusmar – Llufe…. deri te Jaho Xhebra”,- ka shkruar Tahiri, ku shfaqet i veshur sportiv dhe i ulur buzë një lumi.
Tashmë e dimë të gjithë pasionin e tij për gjuetinë, turizmin malor, por mbi të gjitha tërheqjen për fshatin e tij të origjinës.
Kujtojmë se në shtator, për ish-ministrin e Brendshëm, do të rinisë përballja e tij me drejtësinë.
Por deri atëherë, pusho Saimir se je lodhur…
[ngg src=”galleries” ids=”243″ display=”basic_imagebrowser”]
/Gazetaatdheu.com/