Në këto ditë të fundit të vitit 2020, shumë persona të famshëm dhe futbollistë po u japin disa minuta tifozëve të tyre duke u kërkuar të bëjnë pyetje ose të postojnë disa fotografi të veçanta.
Një nga këta është Marash Kumbulla, i cili iu përgjigj fansave përmes profilit të tij zyrtar në Instagram. Një tifoz pyeti mbrojtësin e Romës se nga cili futbollist është frymëzuar dhe shqiptari nuk mendoi për asnjë moment: “Që në moshë të vogël më ka frymëzuar Giorgio Chiellini”. Qendërmbrojtësi i Juventusit ka qenë gjithmonë shembull për numrin 24 verdhekuq.
Kumbulla më pastaj tregoi, pas një pyetjeje tjetër të fansave, se cila ka qenë ndeshja e tij më e mirë. Ish-futbollisti i Verona u përgjigj duke postuar një foto ku po i ndërhynte Cristiano Ronaldos. Për futbollistin e Kombëtares Shqiptare ishte “dita më e mirë e jetës sime”.
