Një drejtues motoçiklete ka mbetur i dëmtuar rëndë pas një karambolimi me një autoveturë të tipit “Volkswsgen GOLF” me targa “AB 969 AA”.
Ngjarja e rëndë ka ndodhur para 1 ore në hyrje të qytetit të Fushë-Krujës, në rrugën nacionale Fushë-Krujë-Durrës.
Sotir Vuka, 52 vjeç, drejtues i motoçikletës tip “Scuter” me targë “AL 988” është goditur nga automjeti tip “Volkswagen Golf”.
Ky i fundit drejtohej nga shtetasi me inicialet Z.Ll. 34 vjeç nga Laçi.
I lënduari është dërguar me urgjencë drejt spitalit, ndërsa drejtuesi i makinës po merret në pyetje nga policia, për të kuptuar rrethanat e aksidentit.
Dyshimet e para janë se, shkak për këtë përplasje, është bërë shpejtësia e madhe me të cilën po drejtonte makinën qytetari.
/Gazetaatdheu.com/
