“Përshëndetje miq … Unë rezultova pozitiv me COVID-19 dhe megjithëse ndihem mirë dhe do të jem në gjendje të vazhdoj të punoj vetëm, do të duhet të pres të kthehem në stërvitje me shokët e mi të skuadrës.” Theo Hernandez nuk do të jetë pjesë e ndeshjes Cagliari-Milan që do të luhet sot ora 20:45.
Një problem jo i vogël për Stefano Piolin dhe për tifozët e kuqezinjëve, disa prej të cilëve reaguan në mënyrën më të keqe, duke akuzuar Zoe Cristofolin, partneren e mbrojtësit kuqezi, se e ka infektuar ajo. Në Instagramin e bukuroshes shihen disa fyerje vulgare ndërsa modelja iu përgjigj në të njëjtën mënyrë atyre që e akuzuan, ndërsa Theo shkroi: “Le të jemi të kujdesshëm dhe të respektojmë rregullat … Faleminderit për të gjitha mesazhet e dashurisë”.
