Kryeministri në detyrë, Albin Kurti, nesër do të dalë nga vetizolimi.
Zyrtari i Ministrisë së Integrimeve, i cili u bë shkas që Kurti të vetizolohej sot, ka rezultuar negativ.
Lajmi është bërë i ditur nga zëdhënësi i Qeverisë, Përparim Kryeziu për Syri.net Kosova, i cili ka sqaruar se zyrtari është shoferi i ministrit të Integrimeve, Blerim Rekës.
E sot janë vetizoluar të dy kabinetet, ai i Qeverisë në detyrë dhe i Ministrisë së Integrimeve.
“Rastet e tilla si sot, duhet të na ftojnë për vëmendje, përkujdesje dhe në zbatimin e masave të Ministrisë së Shëndetësisë dhe të ekspertëve mjekësorë”, ka thënë Kryeziu. /Syri.net
