Gjashtë të burgosur palestinezë arratisen nga burgu izraelit, hapën një tunel...

Gjashtë të burgosur palestinezë arratisen nga burgu…

Autoritetet izraelite kanë nisur një kërkim masiv pasi gjashtë të burgosur palestinezë u arratisën nga një nga burgjet më të sigurta të vendit brenda natës.

Sipas mediave të huaja, burrat besohet të kenë hapur një tunel nga qelia e tyre gjatë disa muajve që të çonte në një rrugë jashtë mureve të burgut Gilboa.

Siç thuhet më tej, zyrtarët u lajmëruan nga fermerët të cilët i vunë re që vraponin nëpër ara.

Të arratisurit përfshijnë një ish0udhëheqës të grupit militant Brigada e Dëshmorëve al-Aksa dhe pesë anëtarë të Xhihadit Islamik.

Një zyrtar i shërbimit të burgut izraelit e përshkroi arratisjen si “një dështim i madh i sigurisë dhe inteligjencës”, ndërsa grupet militante palestineze e përshëndetën atë si “heroike”.

Image

Alarmai u ngrit në Burgun Gilboa, një strukturë e sigurisë së lartë në Izraelin verior të njohur si “Të Sigurt”, kur autoritetet morën raporte nga fermerët vendas për figura të dyshimta në fusha bujqësore aty pranë.

Kur stafi i burgut bëri një numërim të personelit në 04:00, ata zbuluan se gjashtë të burgosur po mungonin.

Besohet se palestinezët kanë dalë nga qelia që kanë ndarë duke hapur një vrimë në dyshemenë e banjës së tyre. Tuneli me sa duket dilte jashtë burgut.

Jerusalem Post raportoi se të burgosurit kishin përdorur një lugë të ndryshkur që e kishin fshehur pas një posteri.

Image

Ndërkohë pamjet treguan zyrtarët që inspektonin një vrimë të vogël nën lavaman dhe një vrimë tjetër në mes të një rruge që kalonte përgjatë mureve të burgut.

Ndërkohë shërbimi i sigurisë Shin Bet ndërkohë tha se besonte se ata kishin qenë në kontakt me njerëz jashtë burgut duke përdorur një telefon celular të kontrabanduar dhe se ata ishin marrë në një makinë.

“Times of Israel” tha se pesë nga gjashtë ishin duke vuajtur dënimin me burgim të përjetshëm në lidhje me sulmet vdekjeprurëse kundër izraelitëve.

Më Të Klikuarat

Lajmet e fundit