Një person është gjetur i pajetë pasditen e sotme në lagjen 1 Maji, në Vlorë.
Nga informacionet paraprake, dyshohet se trupi është i një djali rreth 33 vjeç me iniciale M.S. Raportohet se i riu kishte humbur kontaktet me familjen që në datën 3 maj.
Sipas familjarëve, ai kishte shkuar të tërhiqte pagën, pasi punonte në një fasoneri, por nuk ishte kthyer në banesë.
Trupi i pajetë është dërguar në morgun e spitalit, ku pritet t’i nënshtrohet autopsisë.
Ende janë të paqarta rrethanat e ngjarjes, ndërkohë policia ka hapur hetimet për zbardhjen e plotë të ngjarjes. /cna.al