Një ngjarje e rëndë është regjistruar mëngjesin e kësaj të enjte në fshatin Bodrisht të Dropullit, ku një çift i moshuar bashkëshortësh është gjetur pa shenja jete nga komshinjtë.
Sipas informacioneve paraprake, në trupat e të moshuarve janë konstatuar shenja dhune, dhe në brendësi të banesës janë gjetur thyerje të dyerve dhe dritareve që kanë ardhur nga një grabitje
“Dropull/Informacion paraprak
Rreth orës 08:00, janë gjetur nga fqinjët, të pajetë, në banesën e tyre në fshatin Bodrisht, shtetasit K. I., 84 vjeç dhe K. I., 88 vjeçe (bashkëshortë). Nga këqyrjet paraprake të trupave të 2 shtetasve, janë konstatuar shenja dhune, dyshohet të shkaktuara me mjete të forta rrethanore.
Gjithashtu, nga këqyrja paraprake e vendit të ngjarjes, nuk janë konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive.
Menjëherë pas njoftimit, shërbimet e Policisë kanë shkuar në vendngjarje dhe së bashku me grupin e posaçëm hetimor të ngritur për këtë rast, në drejtimin e Prokurorisë, po vijojnë hetimet intensive për sqarimin e rrethanave të ngjarjes”, njofton Policia.
Lajmi në përditësim
